Phir Ek Cigarette Jala Raha Hun

Phir Ek Cigarette Jala Raha Hun,
Phir Ek Teeli Bujha Raha Hun,

Teri Nazar Mein Yeh Mashghala Hai,
Main Uska Wada Bhula Raha Hun,

Samajhna Mat Isko Meri Adaat,
Yeh Dhuaan Jo Urra Raha Hun,

Yeh Teri Yadon K Silsalay Hain,
Main Teri Yaadein Jala Raha Hun,

Phir Ek Cigarette Jala Raha Hun,
Phir Ek Teeli Bujha Raha Hun,

Main Pee K Itna Behek Chuka Hun,
K Gham K Qissay Suna Raha Hun,

Agar Tumhein Bhi Gham Hai To Aao,
Main Pee Raha Hun Pila Raha Hun,

Phir Ek Cigarette Jala Raha Hun,
Phir Ek Teeli Bujha Raha Hun,


Hain Meri Aankhein To Aaj Purnam,
Magar Main Sab KO Hansa Raha Hun,


Phir Ek Cigarette Jala Raha Hun,
Phir Ek Teeli Bujha Raha Hun...!!