Aashiqi be-dili se mushkil hai
phir muhabbat usi se mushkil hai
ishq aaghaz hi se mushkil hai
sabr karna abhi se mushkil hai
hum aasaan hain aur hamaare liye
dushmani dosti se mushkil hai
jis ko sab be-wafaa samajhate hon
bewafaai usi se mushkil hai
ek ko dusre se sehel na jaan
har koi har kisi se mushkil hai
tu ba-zid hai to jaa 'Faraz' magar
wapsi us gali se mushkil hai
No comments:
Post a Comment